對上一次打日記又個幾月前LU！！因為。。。自個次開始就玩ＦＡＣＥＢＯＯＫ，玩玩玩玩。。。日記都冇打ＬＵ～雖然係咁。。。但始終打日記先真係可以記得一Ｄ深刻既事，唔似ＦＡＣＥＢＯＯＫ咁，分享完某刻既樂事，然後就隨時間咁流失去。。。。。

係懦弱定係感性？我認為我係感性居多。。。。程度甚至傻到為一粒沙感概。。。呢個就係我。。。的確好傻。。傻？真係傻？？又不如話我道不同不相遺謀。。。就因為道不同，所以就更易發現身邊唔同人都唔一定樂意去接近了解同自己ＳＴＹＬＥ唔同既人。。。。佢地可能會一句起兩句止，又或者自同我脫離某層面既關係後就從始消失。。。更甚既，佢地可能會非常親切但由第四句說話後就會露出佢地目的既尾巴。。。

人生在世，因為不同既處景環境，就製造左唔同層面既關係，是膚淺，深交，是虛偽，是交心。。好複雜好複雜。。。。由唔同事情既拉扯，人同人既關係都會不停移動。。動搖。。。

就因為害怕人同人之間既動搖，不其然。。。就學識自我調節，調節到大家共交既語言，調節到大家共通既話題，我唔係呢個技能既達人，但至少我亦可以將呢個技能運用得純熟。。。。係成功？還是可悲？我唔敢下定論。。。

打日記都打左幾年，講左好多好多好多野，鬧又鬧過，發洩又發洩過，愛過，痛過，恨過，開心過，快樂過。。。突然間好似乜都體會過，不過其實每個年齡都會覺得自己掂過好多野，膚淺呢膚淺呢！

十九號個南華賽拎到負７３ＫＧ既季軍呀～～～好開心好開心，冇諗過我既技術可以係個比賽度贏到獎項，真係還左我一個心願，就係至少柔道生捱中可以有一個半個獎項～成真ＬＡ～～～但唔可以唔講，的確今次我呢條線抽得靚，晨早對個勁人既話，都唔駛諗有下一場打呢！！

睇左時光旅的戀人！！！我冇一滴眼淚，絕對唔係唔好睇，只係套戲帶俾我另一種既感動！為現實為將來，超越時間，超越空間，超越地域，超越一切既愛。。。愛對方，唔需要為對方既缺憾而迷網，愛對方，唔需要為看不見而苦惱，愛對方，唔需要為前景而卻步

令人可以反省既電影～

又一年既林狗！當然要買飛去睇～～～剛剛琴晚星期二去左睇！！今次唔係超低能勁搞笑，今次係正能樣～～～我要做正能樣！！！

ＫＡＮＮＩＥ唔得閒，所以同左個ＩＴ　ＦＲＩＥＮＤ去，同佢去左食野先，啊，有間麵軒既紅酒牛肉麵真係好正～～仲要俾杯細細既紅酒我自己加落去，食落又幾香，紅酒紅肉！原來真係可以咁ＭＡＴＣＨ～傾下偈咁～～～

今次超勁～～超好睇！林海峰真係。。。咁多年都一樣冇退步過，下下都有ＰＵＮＣＨ位，應該下佢度呢Ｄ　ＰＵＮＣＨ位真係好拿手！！！近排仲睇左黃子華最新半集既棟篤笑，就恰著左。。。仲記得ＪＡＮ第一次做棟篤笑，Ｄ人都會話佢同黃子華仲有一段距離，不過可以講。。今時今日，ＪＡＮ已經超越左黃子華！當然都要補返句，佢地既類別可能有某程度既唔同～～

林海峰～真係由細就聽到大，由佢第一個電台節目，由軟硬未紅，一路。。一路，認識佢地到出哂名～記得有年既暑假，軟硬有個朝朝軟硬今朝，我直頭係較鬧鐘都起身聽添～～～～真係唔淨止係一個當紅既明星，直頭可以話有某程度既熟落感！！！突然興幸自己出身於七尾，就係呢個年齡既階段，俾我接觸到好多好多好多又珍貴既事同回憶～～呢Ｄ野，十幾廿歲既人係完全冇共鳴架～～～～～～

突然都同個ＦＲＩＥＮＤ講左句，如果可以好似對新人咁係個舞台度搞婚禮，都真係一世難忘，不過個ＦＲＩＥＮＤ回應既係。。。。哇，搞到咁大，第時離婚咁點？一定俾人摷返出黎講。。。。。。
唔。。。。我ＡＧＲＥＥ大家有大家既觀點，我ＡＧＲＥＥ任何事都有可能發生，只係。。。點解愛情婚姻，都要加入理性，當宣誓成為夫婦既一刻，點解仲要計算某日既分開。。咁呢個誓詞到底作用何在？愛情要有計算架咩？有計算。。。呢個唔係愛情，呢個係交易，好嘔心。。

我好鍾意謝安琪講既其中一句，＂愛情係瘋狂加任性，每當兩個人發生爭吵，你地就應該更加瘋狂更加任性＂。。另我好窩心既一句說話，但可以做得到既又有幾多人呢？

由神級婚禮第一日ＰＲＯＭＯ既開始，每次電台播出既一Ｄ誓詞時，都會聽得好感動。。。。由衷既說話，由衷既感激，願意視對方為己既心意。。。係世上最珍貴既寶物。。。

古巨基 - 地球很危險

很想代你 面對世間瘋狂和混亂 這地球 喜歡恩怨
巴不得跟你在太空取暖
讓你平靜造個美夢 躲開這個失樂園
天高地厚 就快也不夠日爭夜鬥
已不適合情侶暢聚漫遊
當小溫馨偉大到像虛構
在我懷內願你當綠洲
我用風箏攜著你走


很危險 下秒將 地老天荒
當千紙鶴難以伴妳飛 就擲向星光


只想可跟你同住天幕裡
流浪太虛 別了地球 留下壯舉
只得你我莫問誰和誰 只需一寸赤地團聚
星海 隨便去寄居 足印 熔在隕石裡
(不管 來或去
火星踏碎 若你覺得已住不下去 哪個星球你想去)


烏煙俗氣 就快看不見甚麼是愛
那七宗罪便夠殺掉未來
心比起空氣受更大污染
就算逃入夢裡去渡海
怕幸幅之門被炸開

面就人地俾 , "假"就自己掉  ...... 憎一個人 , 一係唔憎 , 要憎就要憎足一世 .....

某日我決定憎一個人 , 佢幾返嘗試同我對話 , 我都決決絕絕去避開佢 .... 甚至佢既say sorry ....
近日... 知道佢屋企應該有d 事 , 係憐惜 , 係多管閒事 , 心血來潮地send 句說話安慰佢 , 結果今日 , 佢應該msn block 左我 ....

當決定憎一個人 , 應該係憎足一世

=======================================================

呢排圍繞身邊出現好多好多有關結婚既事 , 有同事十二月結婚 , 有舊同學十用結婚 , 零九年九月九日長長久久人人排期結婚 , 出年一零年十月十月人人準備結婚 , kannie同學仔結婚 , 搭車撞到表哥不停問我幾時結婚附帶話我唔好再玩要定性( 明顯佢係完完全全唔了解我) , 新戲求婚的惡魔 !!!!!仲有係林狗既是但UP我願意!!!~~~

十一月就三十歲 , 過往都不停掛係口邊 , 依家到la , 就有兩個月唔夠就三十歲 , 一樣既孩子臉 , 三十而立 , 前景 .... 呢一刻 , 唔數la .... 好辛苦 .... 好煩 ..... 太多事要做 ..... 我想 , 我想 , 我想 , 結果如果唔係我所想 , 然後痛苦依然全數入哂自己

=======================================================

都好似好耐冇飲酒 , 買返支先 .....

=======================================================